Сайн адууг хөрвөөхдөө олон удаагын давтамжтайгаар хоёр тийшээ давж хөрвөөдөгөө гэдэг, хэдий чинээ олон давна тэр хэмжээгээр тухайн адууг чансаатай адуу гэж үнэлдэг уяач байдаг. Ажиглаж байхнээ зөв уяатай эмгэггүй адуу аливаа ажлын /хөлс авах, тарлах, уралдах/ дараа хөрвөөж биеийн зүдэргээгээ гаргаж байгаа нь элбэг харагддаг.
Тийм ч учраас манай уяачид адууний зүчээний нэг зайд хурдан морьдоо дураар хөрвөөж байх зай талбай зориудаар бэлтгэсэн байдаг.
Шинэ залуу уяач нар адууг хөрвөөлгөх талбай адууны хашаандаа хийхдээ тэгш хайрга чулуугүй эрүүл газарт нунтаг хуурай бууц жигдхэн асгаж бэлдвэл зохимжтой

Read Full Post »

Намрын ажил үндсэндээ дууслаа, намрын ажил гэдэгт морьдын сойлго тааруулах гол амин чухал ажил. Сойлгыг гүйцэд зөв оруулсан морь бүтэн өвөл хаврын турш ажирахгүй эдэлгээ уяаны гар даана. Зөөлхөн хөлөргөж байгаад уяж хоноод уяан дээрээ бөмбөгнөтөл чичэрээд хоносон морио цан хүүргийг нь хусаж арилгаад эмээлчихээд гэртэй орж өлөн элгэн дээрээ 2-3 хул айраг уучихаад морьдоод адуундаа давхиж явах бас л Монгол газар Монгол эр хүн болж төрсөний үнэнхүү нэгэн жаргал бахдал. Хэдэн унага даагаа тамгалчихлаа. Авч үлдэж тэжээлд оруулах уралдах морьдоо сонгочихлоо. Төвийн бүсийн уяачид маань адуугаа отроор алсхан явах билчээр усаа судлаад товлочихлоо, ингээд өвөлжин хаваржин уралдааны сонин сонсоод л суух ерөнхийдөө үлдэх шив дээ миний хувьд

Read Full Post »

Он гарснаас хойш Буянт-Ухаа, Сэлэнгэ, Замын -Vvд, Хавиргын боомтоор 4039 толгой адууг экспортолсон байна.

Vvний 30 % нь vржлийнх, vлдсэн нь мах бэлтгэлийн чиглэлийнх гэсэн бүртгэлтэйгээр харийн оронд борлогдсон аж. Буянт-Ухаа, Сэлэнгийн боомтоор адуу нэг бvрийг 190 ам.доллараар тооцон экспортлодог юм байна. Харин vлдсэн хоёр боомтод нэг адуу 190-280 орчим ам.долларын vнэ хvрсэн байна.

Бүх тоо баримтыг энэ оны 11 сарын 10ны Үнэн сонин дээрээс авсан болно.

Эндээс юу өгүүлэх гээд байгааг надаар хэлүүлтгүй та нар ойлгож байгаа, манайх шиг хүлэг морио дээдлэдэг улс орон байтугай адуу гахай 2-г ижил түвшинд үздэг улс оронд ч ийм үнээр гадагш гардаггүй.

Адуунд дэндүү хайртай болохоор намайг хэтрүүлээд байна гэж бодож магадгүй, жишээн дээр тайлбарлая. Оросын ихэнхи мужид идэшний адуу буюу эдэлгээний нас давсан эсвэл хөл хугархай юмуу эмчилгээ авахгүй адуу 800 доллараар ч олддоггүй. Зөвхөн Казакстантай гэхэд идэшний нэг адуу монгол мөнгөөр бараг 1,5 саяаас 2 сая орчим төгрөгөөр нэг адуу борлогддог Оросоор явсан хэн ч мэднэ.

Гарсан адууны 30% үржилын насны адуу гээд бодхоор бид арай л хэт их валютаа сул алдаж байна даа. Манай Монголчууд Оросоос адуу оруулж ирэхээр олон хүн явдаг Орост ч биш дэлхий нийтэд үржилын адуу ямар үнэтэйг хэлдэг.

Манайхаас авсан үржилын адуун дээр өөрийн улсын морин тойруулгад байгаа адуугаараа үржил селекцийн ажил хийвэл бид тэр адууг буцаагаад хэдэн жилийн дараа хэд дахин нугалсан үнэхээр авахыг бүү мэд.

Үнэ ханш яахав ийм байдаг байж гээд бодход цаана нь энэ энэ гарч байгаа адуун дотор хичнээн хурдан буян торгон жолоогоо өргүүлж амжилгүй хүний нутагруу нүдэндээ нулимстай гарсаныг хэн ч мэдэхгүй. Бас хэний хүүгийн уяанаас алдагдаад буруу гараар орсон хүлэг морь байгаа үгүйг шалгалж магадласан газар байна уу.

Манайх нэг хүнд ногдох адуугаараа л дэлхийд 3-д ордогоос яг адууныхаа тоогоор ч бас дэлхийд тэргүүлдэггүй байж ийм хэмжээний адуугаа ийм үнэтэйгээр цаашдаа импортлосоор л байх уу……

Read Full Post »