Монгол адууг хятад ченжүүд Японд дамлан зарж байна
Categories: Бүлэггүй | Нэгдүгээр сар 23rd, 2012 | by turuuairag | no comments
Морио сүлдэндээ залсан Монгол адуу өнөө цагт хэдэн баян хүний ид бах болсон бооцоот уралдааны таашаал болсон хэдий ч үүний цаана өсөн үржих, цус сэлгэх, үүлдэр угшлыг сайжруулахад үнэтэй хувь нэмэр оруулж байна хэмээн энэ цагийн алдарт уяачид ам уралдан ярих боллоо. Энэ ч нэг хэрэг биз. Гэтэл зүүн аймгуудын адууг өнгөрсөн гурван жилийн хугацаанд Хятад, Монголын хамтарсан Засгийн газрын хурлаар амьд малыг гаргах гэрээний дагуу үй олноор нь Монголоос экспортлох болов. Үүний цаана чухам ямар бизнес цэцэглэж байгааг эх сурвалжаас нь тодруулбал Монголоос нэг адууг 200-500 мянгын хооронд хятадууд худалдан авч цааш нь Японд саяас сая таван зууд нугалан зардаг бизнес болон хувирчээ. Өнөө цагт Японд 500 грамм адууны мах 16 долларын үнэд хүрч байгаа явдал нь зуучлагч, ченж хятадуудад асар ихашиг авчирч байгаа ажээ. Өнгөрсөн жилд Дорнод аймгийн Хавиргын боомт, Сүхбаатар аймгийн Бичигтийн боомтоор 40 тоннын том том урт ачааны машинаар тэвш тэвшээр нь монгол адууг ачиж зүүн гурван аймгийн адуу урагшаагаа газрын тостойгоо хамт зогсолтгүй урссаар байна.
эх сурвалж Б.Саруул (www.wikimon.mn)
